ଗତ ୧୨ ତାରିଖ ଥିଲା ଶନିବାର। ଯେଉଁଦିନ ବାଲେଶ୍ୱର ଜିଲ୍ଲା ଫକୀର ମୋହନ ସ୍ୱୟଂଶାସିତ ମହାବିଦ୍ୟାଳୟରୁ ନ୍ୟାୟ ନ ମିଳିବା ପରେ ପୀଡିତା ଛାତ୍ରୀ ନିଜ ଦେହରେ ପେଟ୍ରୋଲ ଢାଳି ଆତ୍ମାହୁତି ଦେଇଥିଲେ। ଯିଏକି ୬୦ ଘଣ୍ଟାର ଚିକିତ୍ସା ପରେ ଆଖି ବୁଜିଥିଲେ। କିନ୍ତୁ ଗତକାଲି ପୁରୀ ଜିଲ୍ଲା ବଳଙ୍ଗା ୧୫ ବର୍ଷୀୟ ନାବାଳିକା ଯେତେବେଳେ ନିଜ ବଡବାପାଙ୍କ ଘରକୁ ଯାଉଥିଲେ, ତାଙ୍କୁ ସ୍ଥାନୀୟ ଅଞ୍ଚଳର ତିନି ଜଣ ଯୁବକ ବଳପୂର୍ବକ ଉଠାଇ ନେଇଥିଲେ। କିରାସିନି ଢାଳି ଜାଳିଦେଇଥିଲେ। ହତ୍ୟା କରିବା ପାଇଁ ଯୋଜନା କରିଥିବା ଅଭିଯୋଗ ହୋଇଛି।
ଉଭୟ ଘଟଣା ମାତ୍ର ୭ ଦିନ ଭିତରେ ଏବଂ ଶନିବାର ଘଟିଥିବାରୁ ଏହାକୁ ନେଇ ସରକାରଙ୍କୁ ଶନିଦଶା ପଡ଼ିଛି ବୋଲି କହିଛନ୍ତି ବିରୋଧୀ। ପୂରା ଘଟଣାକୁ ଅନୁଧ୍ୟାନ କଲେ ଗତ ଜୁନ୍ ୧୫ ତାରିଖ ଠାରୁ ଏଯାବତ ଗୋଟିଏ ଗୋଟିଏ ପରେ ଗୋଟିଏ ଘଟଣା ଓ ଅଘଟଣ ନେଇ ବିରୋଧୀ ଦଳକୁ ପ୍ରସଙ୍ଗ ମିଳିଯାଉଛି।
ପ୍ରଥମେ ଜୁନ ୧୫ତାରିଖରେ ଗୋପାଳପୁର ବେଳାଭୂମି ଘଟଣା ଠାରୁ ବଳଙ୍ଗା ପର୍ଯ୍ୟନ୍ତ ଯେଉଁସବୁ ଘଟଣା ଘଟିଛି, ଏହାକୁ ଭିତ୍ତିକରି ବିରୋଧୀମାନେ ଶାସକଙ୍କୁ ଟାର୍ଗେଟ କରିଥିଲେ। ଅନେକ କହୁଛନ୍ତି, ସରକାରଙ୍କୁ ‘ଶନିଦଶା’ ପଡ଼ିନାହିଁ ତ?