ଭୁବନେଶ୍ୱର (ଓଡ଼ିଶା ଜାଗରଣ) : ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଗତକାଲି ଭିଜିଲାନ୍ସ ହାତରେ ଧରାପଡ଼ିଥିବା କୋରାପୁଟ ଜିଲ୍ଲା ବୋରିଗୁମ୍ମା ତହସିଲର ଏଆରଆଇ ସୁରେନ୍ଦ୍ର କୁମାର ତନ୍ତିଙ୍କୁ ଗିରଫ କରାଯାଇଛି।
ପ୍ରକାଶ ଥାଉ କି ଗତକାଲି ଭିଜିଲାନ୍ସ ପକ୍ଷରୁ କୋରାପୁଟ, ଜୟପୁର ସମେତ ସମେତ ୮ଟି ସ୍ଥାନରେ ଏକକାଳୀନ ଚଢ଼ଉ କରାଯାଇଥିଲା। ବୋରିଗୁମ୍ମାସ୍ଥିତ ଦୁଇ ମହଲା କୋଠା, ସମ୍ପର୍କୀୟଙ୍କ ଘର ସହ ଝିଅ ରହୁଥିବା ଭଡା ଘରେ ଚଢଉ କରାଯାଇଥିଲା। ଏହାସହ ରନସପୁରରେ ପୈତୃକ ଘର, ବୋରିଗୁମ୍ମା ମାର୍କେଟ କମ୍ପ୍ଲେକ୍ସ ସହ କୁମୁଲିର ଅଫିସରେ ମଧ୍ୟ ଚଢଉ କରାଯାଇଥିଲା। ଚଢ଼ାଉରେ ଭିଜିଲାନ୍ସର ୮ଟି ଟିମ୍ ସାମିଲ ରହିଥିଲେ। ଯେଉଁଥିରେ ୩ ଜଣ ଡିଏସପି, ୭ ଜଣ ଇନ୍ସପେକ୍ଟର୍, ୫ ଜଣ ଏଏସଆଇ ସାମିଲ୍ ହୋଇଥିଲେ। ଚଢଉରେ ତାଙ୍କର କୋଟି କୋଟି ଟଙ୍କାର ସମ୍ପତ୍ତି ଠାବ କରାଯାଇଛି। ବୋରିଗୁମ୍ମାରେ ଗୋଟିଏ ଦୁଇ ତାଲା କୋଠା ଥିବା ବେଳେ ବୋରିଗୁମ୍ମା, ଝିଲିମିଲିରେ ଦୁଇ ତାଲା କୋଠା ରହିଛି। ଏଥିସହ ଆଉ ଏକ କୋଠା, ୧୭ଟି ପ୍ଲଟ୍ ବୋରିଗୁମ୍ମାରେ ରହିଛି | ତାଙ୍କ ଘରୁ ନଗଦ ୧ଲକ୍ଷ ୫୫ହଜାର ଟଙ୍କା, ବ୍ୟାଙ୍କ୍ ଏବଂ ଇନ୍ମୁରାନ୍ସରେ ୮୪ ଲକ୍ଷ ଟଙ୍କା, ୧୫୨ଗ୍ରାମ ସୁନ ଗହଣା ଏବଂ ୩ଟି ଚାରି ଚକିଆଁ, ଗୋଟିଏ ଦୁଇଚକିଆ ଗାଡି ରହିଛି।