ଆପଣ ପ୍ରେମ ପାଇଁ ପ୍ରେମିକାଙ୍କୁ ଅପହରଣ କଥା ଶୁଣିଥିବେ। ହେଲେ ଏହାର ଓଲଟା ଘଟଣା ଦେଖିବାକୁ ମିଳିଛି। ପ୍ରେମିକକୁ ଅପହରଣ କରିଛି ପ୍ରେମିକା। କେବଳ ଅପହରଣ କରି ନାହିଁ ମୁଣ୍ଡ ଜାମିନ ରଖି ୧୦ ଲକ୍ଷ ଟଙ୍କା ଦାବି କରିଥିବା ଅଭିଯୋଗ ଆସିଛି। ଘଟଣା ଘଟିଛି ରାଜଧାନୀ ସହର ଭୁବନେଶ୍ୱରରେ।
ଖବର ନେବାରୁ ଜଣାପଡ଼ିଛି ଯେ, ଝାଡ଼ଖଣ୍ଡ ଅଞ୍ଚଳର ଜଣେ ଯୁବତୀଙ୍କ ସହିତ ଝାଡପଡ଼ା ଅଞ୍ଚଳର ଯୁବକ ସୋମନାଥ ସ୍ୱାଇଁଙ୍କର ପ୍ରେମ ସମ୍ପର୍କ ଗଢ଼ି ଉଠିଥିଲା। ଉଭୟେ ଲିଭ୍ ଇନ୍ ସମ୍ପର୍କରେ ରହୁଥିଲେ। କିନ୍ତୁ ପରବର୍ତ୍ତୀ ସମୟରେ ଯୁବକଙ୍କ ଚରତ୍ର ପ୍ରତି ସନ୍ଦେହ କରିଥିଲେ ଯୁବତୀ। ଏଥିପାଇଁ ଯୁବକଙ୍କଠାରୁ ସମ୍ପର୍କ କାଟିବାକୁ ଚାହିଁଥିଲେ।
କିନ୍ତୁ ସମ୍ପର୍କ କାଟିବା ପୂର୍ବରୁ କିଛି ଟଙ୍କା ଝଡ଼ାଇବାକୁ ଚାହିଁଥିଲେ ପ୍ରେମିକା। ଏଥିପାଇଁ ସେ ନିଜର ବଡ଼ ଭଉଣୀର ପ୍ରେମିକକୁ କାମରେ ଲଗାଇ ଦେଇଥିଲେ। ବଡ଼ଭଉଣୀର ପ୍ରେମିକ ଅନ୍ୟ ୩ ଜଣ ଯୁବକଙ୍କ ସହଯୋଗରେ ଉଠାଇ ନେଇଥିଲେ ଝାଡ଼ପଡ଼ା ଅଞ୍ଚଳର ସୋମନାଥଙ୍କୁ ଉଠାଇ ନେଇଥିଲେ। ସୋମନାଥଙ୍କୁ ଏକ ଭଡ଼ା ଘରେ ରଖି ନିର୍ଯାତନା ଦେବା ସହ ୧୦ ଲକ୍ଷ ଟଙ୍କାରେ ତାଙ୍କର ମୁଣ୍ଡ ଜାମିନ ରଖ୍ôଥିଲେ।
ସୋମନାଥଙ୍କ ପରିବାର ଲୋକେ କମିାନରେଟ୍ ପୁଲିସର ସହଯୋଗ ନେଥିଲେ। ପୁଲିସ ତେବେ ୧୨ ଘଣ୍ଟାର ଅପରେସନ ପରେ ଅପହରଣର ମାଷ୍ଟର ମାଇଣ୍ଡ ପ୍ରେମିକା ଓ ଅନ୍ୟ ୪ ଜଣଙ୍କୁ ଗିରଫ କରିଛି। ଯୁବତୀ ଜଣକ ଝାଡଖଣ୍ଡର ବୋଲି ଜଣାପଡିଛି।
ଏ ନେଇ ପୁଲିସ କମିସନର୍ ସୁରେଶ ଦେବଦତ୍ତଙ୍କ ସୂଚନ ଅନୁଯାୟୀ, ମଙ୍ଗଳବାର ବିଳମ୍ବିତ ରାତିରେ ଝାରପଡା ଅଞ୍ଚଳର ସୋମନାଥଙ୍କ ନିଖୋଜ ସମ୍ପର୍କରେ ଅଭିଯୋଗ ଆସିଥିଲା। ପୁଲିସ ମାମଲା ରୁଜୁ କରି ସୋମନାଥଙ୍କୁ ଉଦ୍ଧାର କରିବାକୁ ଯୋଜନା କରିଥିଲା।
ଏ ନେଇ ପୁଲିସ କମିସନର୍ ସୁରେଶ ଦେବଦତ୍ତଙ୍କ ସୂଚନ ଅନୁଯାୟୀ, ମଙ୍ଗଳବାର ବିଳମ୍ବିତ ରାତିରେ ଝାରପଡା ଅଞ୍ଚଳର ସୋମନାଥଙ୍କ ନିଖୋଜ ସମ୍ପର୍କରେ ଅଭିଯୋଗ ଆସିଥିଲା। ପୁଲିସ ମାମଲା ରୁଜୁ କରି ସୋମନାଥଙ୍କୁ ଉଦ୍ଧାର କରିବାକୁ ଯୋଜନା କରିଥିଲା।
ଏଥିପାଇଁ ୩ଟି ଟିମ୍ ଗଠନ କରାଯାଇଥିଲା। ମୋବାଇଲ ଡାଟା, ଲୋକଙ୍କର ସାହାଯ୍ୟ ଓ ପୂର୍ବ ଘଟଣାବଳୀକୁ ଆଧାର କରି ସାରା ରାତି ଲାଗିପାଗି ଅପହରଣକାରୀଙ୍କୁ ପ୍ରଥମେ ଠାବ କରିଥିଲା। ପରେ ସେମାନଙ୍କୁ ଗିରଫ କରିବା ସହ ଅପହୃତ ଯୁବକଙ୍କୁ ଉଦ୍ଧାର କରିଥିଲା ପୁଲିସ।
