ଗତ ସପ୍ତାହରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ୱାଶିଂଟନ ଡିସି ଗସ୍ତ ସମୟରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ପ୍ରଥମ ଦ୍ୱିପାକ୍ଷିକ ଆଲୋଚନା କରିଥିଲେ।

କୁହାଯାଉଛି ଯେ ଉଭୟ ଦେଶର ନେତା ଶୁଳ୍କ, ପ୍ରବାସୀ ସମସ୍ୟା, ବାଣିଜ୍ୟ ଏବଂ ପ୍ରଯୁକ୍ତିବିଦ୍ୟା ସମେତ ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା କରିଛନ୍ତି। ବହୁ ପ୍ରତୀକ୍ଷିତ ବୈଠକ ପୂର୍ବରୁ ଟ୍ରମ୍ପ ଏକ ବିବୃତ୍ତି ଦେଇ କହିଛନ୍ତି, ଯେଉଁ ଦେଶ ଆମେରିକା ଉପରେ ଶୁଳ୍କ ଲଗାନ୍ତି, ଆମେ ସେମାନଙ୍କଠାରୁ ଶୁଳ୍କ ଆଦାୟ କରୁ।
ଏଲନ୍ ମସ୍କଙ୍କ ଫକ୍ସ ନ୍ୟୁଜ୍ ସହିତ ସାକ୍ଷାତକାରରେ , ଟ୍ରମ୍ପ ଭାରତର ଟାରିଫ୍ ନୀତି ବିଷୟରେ କହିଛନ୍ତି ଯେ, ବିଶ୍ୱର ପ୍ରତ୍ୟେକ ଦେଶ ଆମଠାରୁ ଫାଇଦା ଉଠାନ୍ତି ଏବଂ ସେମାନେ ଟାରିଫ୍ ସହିତ ଏହା କରନ୍ତି। ଉଦାହରଣ ସ୍ୱରୂପ, ସେମାନେ ଆମ ପାଇଁ ଭାରତରେ ଏକ କାର ବିକ୍ରୟ କରିବା ପ୍ରାୟ ଅସମ୍ଭବ କରିଦିଅନ୍ତି। ଯଦିବା ସେ ନିଶ୍ଚିତ ନୁହଁନ୍ତି, କିନ୍ତୁ ସତ୍ୟ ବୋଲି ବିଶ୍ୱାସ କରୁଥିବା ଟ୍ରମ୍ପ ଗଣ ମାଧ୍ୟମ ଆଗରେ କହିଛନ୍ତି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ସାକ୍ଷାତ ସମୟରେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତ ଦ୍ୱାରା ଲାଗୁ କରାଯାଇଥିବା ଉଚ୍ଚ ଶୁଳ୍କ ବିଷୟରେ ଚିନ୍ତା ପ୍ରକାଶ କରିଥିଲେ, ଯାହା ଫଳରେ ଆମେରିକୀୟ କମ୍ପାନୀଗୁଡ଼ିକ ସେଠାରେ ଉତ୍ପାଦ ବିକ୍ରୟ କରିବା କଷ୍ଟକର ହୋଇପଡ଼ିଛି।