ଟ୍ରମ୍ପଙ୍କ ସହ ବୈଠକ ଓ ଆଲୋଚନା ପରେ କଂଗ୍ରେସ ନେତା ତଥା ପୂର୍ବତନ ମନ୍ତ୍ରୀ ଶଶି ଥରୁର ମୋଦିଙ୍କୁ ପ୍ରଶଂସା କରିଛନ୍ତି।

ସେ କହିଛନ୍ତି ଯେ, ମୋଦି ଭାରତୀୟ ପ୍ରବାସୀଙ୍କୁ ରକ୍ଷା କରିଛନ୍ତି। ସେ ବାଣିଜ୍ୟ ଆଲୋଚନାର ଫଳାଫଳକୁ ମଧ୍ୟ ପ୍ରଶଂସା କରିଛନ୍ତି ଏବଂ ଉଭୟ ନେତାଙ୍କ ବକ୍ତବ୍ୟ ସକାରାତ୍ମକ ଭାବେ ଗ୍ରହଣ କରିଛନ୍ତି। ମୋଦୀଙ୍କ ପ୍ରତି ଟ୍ରମ୍ପଙ୍କ ପ୍ରଶଂସାକୁ ତାଙ୍କ ଆଲୋଚନା ଦକ୍ଷତାର ଏକ ଦୃଢ଼ ସମର୍ଥନ ଭାବରେ ସ୍ୱୀକାର କରିଛନ୍ତି ଥରୁର।
ସ୍ପଷ୍ଟ ଭାବରେ, ପ୍ରଧାନମନ୍ତ୍ରୀ ମୋଦିଙ୍କୁ ହ୍ୱାଇଟ୍ ହାଉସରେ ସ୍ୱାଗତ କରିବା ସମୟରେ, ରାଷ୍ଟ୍ରପତି ଟ୍ରମ୍ପ ତାଙ୍କୁ ଜଣେ ମହାନ ନେତା ବୋଲି କହିଥିଲେ। ମୋଦି ଭଲ କାମ କରୁଛନ୍ତି ବୋଲି ଟ୍ରମ୍ପ କହିଥିଲେ; ଏହି ମନ୍ତବ୍ୟକୁ ଉଲ୍ଲେଖ କରି ଥରୁର ମୋଦିଙ୍କୁ ପ୍ରଶଂସା କରିଛନ୍ତି।
ପ୍ରକାଶ ଥାଉ କି ଗୁରୁବାର ଉଭୟ ଦେଶର ନେତାଙ୍କ ମଧ୍ୟରେ ହୋଇଥିବା ଆଲୋଚନା ନେଇ ଡୋନାଲ୍ଡ ଟ୍ରମ୍ପ ମୋଦିଙ୍କୁ ବିଶ୍ୱର ସର୍ବଶ୍ରେଷ୍ଠ ଆଲୋଚକ ଭାବେ କରିଥିଲେ। ଯାହା ଥରୁରଙ୍କୁ ଅଧିକ ପ୍ରଭାବିତ କରିଛି।
ଅପରପକ୍ଷେ ଜଣେ ବିରୋଧୀ ନେତା ପ୍ରଧାନମନ୍ତ୍ରୀଙ୍କୁ ପ୍ରଶଂସା କରିବା ନେଇ ରାଜନୈତିକ ମହଲରେ ଭିନ୍ନ ଆଲୋଚନା ପାଇଁ ଖୋରାକ ଯୋଗାଇଛି।