ବହୁ ଚର୍ଚ୍ଚିତ କୋଲକାତା ଆଇଜି କର ମେଡ଼ିକାଲରେ ଡାକ୍ତରୀ ଛାତ୍ରୀଙ୍କୁ ଦୁଷ୍କର୍ମ ଓ ହତ୍ୟା ଘଟଣାରେ ସ୍ଵେଚ୍ଛାକୃତ ପୋଲିସ ଭାବେ କାମ କରୁଥିବା ସଞ୍ଜୟ ରୟଙ୍କୁ ଆଜୀବନ ଜେଲ୍ ଦଣ୍ଡାଦେଶ ଦେଇଛନ୍ତି ସିଆଲଦା ସେସନ୍ କୋର୍ଟ। ଏଥିସହ ତା’ ଉପରେ ୫୦ ହଜାର ଟଙ୍କାର ଜରିମାନା ଦେବା ପାଇଁ ଆଦାଲତଙ୍କ ପକ୍ଷରୁ ନିର୍ଦ୍ଦେଶ ଦିଆ ଯାଇଛି। ସେହିପରି ପୀଡ଼ିତାଙ୍କ ପରିବାର ବର୍ଗଙ୍କୁ ୧୭ ଲକ୍ଷ ଟଙ୍କାର ଆର୍ଥିକ ସହାୟତା ଦେବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ଅଦାଲତ।
ଶୁଣାଣି ପୂର୍ବରୁ ଦୋଷୀ ସାବ୍ୟସ୍ତ ହୋଇଥିବା ସଞ୍ଜୟ ରୟ ଆଜି ବି ପୁଣିଥରେ ନିଜକୁ ନିର୍ଦ୍ଦୋଷ ବୋଲି କୋର୍ଟଙ୍କୁ କହିଥିଲା। ସଞ୍ଜୟ ନିଜର ପକ୍ଷ ରଖି କହିଥିଲା ଯେ “କୌଣସି କାରଣ ନ ଥାଇ ମୋତେ ଫସାଇ ଦିଆଯାଉଛି। ମୁଁ ଆପଣଙ୍କୁ ପୂର୍ବରୁ ମଧ୍ୟ କହି ସାରିଛି ଯେ ମୁଁ ସବୁବେଳେ ରୁଦ୍ରାକ୍ଷ ପିନ୍ଧିଥାଏ। ମୁଁ ଯଦି ଅପରାଧ କରିଥାଆନ୍ତି, ତା’ହେଲେ ଏହା ସେଠାରେ ଛିଣ୍ଡି ପଡ଼ିଥାଆନ୍ତା। ବୋଲି କହୁଥିଲା। ମୋତେ ମୋର ପକ୍ଷ ରଖିବାକୁ ଦିଆଗଲା ନାହିଁ। ସେମାନେ ବଳପୂର୍ବକ ଏକାଧିକ ଦସ୍ତାବିଜରେ ମୋ ଦସ୍ତଖତ ନେଇଛନ୍ତି। ସାର୍ ଆପଣ ସବୁ ଦେଖିଛନ୍ତି। ପୂର୍ବରୁ ମଧ୍ୟ ମୁଁ ଏହା କହିସାରିଛି। ସଞ୍ଜୟର ଏପରି ଯୁକ୍ତି କୋର୍ଟଙ୍କ ଉପରେ ଏହାର କୌଣସି ପ୍ରଭାବ ପକାଇ ପାରି ନଥିଲା।
ଜାନୁଆରୀ ୧୮ରେ ସିଆଲଦାର ଅତିରିକ୍ତ ଜିଲ୍ଲା ଓ ଦୌରାଜଜ ସିଆଲଦାହର ଅତିରିକ୍ତ ଜିଲ୍ଲା ଓ ଦୌରାଜଜ୍ଙ୍କ କୋର୍ଟ ତାକୁ ଦୋଷୀ ସାବ୍ୟସ୍ତ କରିଥିବା ବେଳେ ଆଜି ଦଣ୍ଡ ବିଧାନ ହେବାର ଥିଲା।ପ୍ରକାଶ ଥାଉ କି ଏହି ମାମଲା ସାରାଦେଶକୁ ଦୋହଲାଇ ଦେଇଥିଲା। ଦଣ୍ଡବିଧାନର ଶୁଣାଣି ବେଳେ ସିବିଆଇ ସଞ୍ଜୟକୁ ଫାଶୀ ଦଣ୍ଡରେ ଦଣ୍ଡିତ କରିବାକୁ ଦାବି କରିଥିଲା।
