ଭାବିଲେ ଚିନା ବାଦାମ। ଭିତରକୁ ଚିନାବାଦାମ ଭଳି ମଞ୍ଜି ବାହାରିଲା। ପିଲାଏ ଜାଣିପାରିଲେ ନାହିଁ। ବାଇଗବ ମଞ୍ଜି ଖାଇଦେବାରୁ ଅସୁସ୍ଥ ହୋଇପଡ଼ିଛି ୧୦ ଜଣ ସ୍କୁଲ୍‌ ଛାତ୍ରଛାତ୍ରୀ। ସେମାନଙ୍କୁ ରାୟଗଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।

ଅସୁସ୍ଥ ପିଲାମାନେ ହେଲେ ନନ୍ଦ କିଶୋର ହୁଇକା (୧୨), ସନ୍ତୋଷୀ କାଡ୍ରକା (୮), ଇତିଶ୍ରୀ ହିକକା (୭), ଅଶୋକ ହୁଇକା (୮), ମାହି ହୁଇକା (୫), ତୁଳସୀ ହୁଇକା (୭), ଆଦିତ୍ୟ କାଡ୍ରକା (୬), କିଶାନ କାଡ୍ରକା (୧୦), ସୁହାନ କୁଲେସିକା (୪) ଓ ଚିକୁ ହୁଇକା (୭)। ଏମାନଙ୍କ ମଧ୍ୟରେ ୬ଜଣ ବାଳକ ଓ ୪ଜଣ ବାଳିକା ରହିଛନ୍ତି।ଖବର ନେବାର ଜଣାପଡ଼ିଛି ଯେ, ରାୟଗଡ଼ା ଜିଲ୍ଲା କୋଲନରା ବ୍ଲକ ଥେରୁବାଲି ପଞ୍ଚାୟତ ବରିଗୁଡା ଗ୍ରାମ ସରକାରୀ ପ୍ରାଥମିକ ବିଦ୍ୟାଳୟରେ ସୋମବାର ସ୍କୁଲ୍‌ଛୁଟି ପରେ ପ୍ରଥମରୁ ଛାତ୍ରଛାତ୍ରୀମାନେ ଘରକୁ ଫେରୁଥିବାବେଳେ ରାସ୍ତା କଡ଼ରେ ଥିବା ବାଇଗବ ଗଛର ଫଳକୁ ବାଦାମ ଭାବି ସେଥିରୁ ମଞ୍ଜି ବାହାର କରି ଖାଇଥିଲେ। ଅସୁସ୍ଥ ଛାତ୍ରଛାତ୍ରୀମାନଙ୍କ ପ୍ରଥମେ ଥେରୁବାଲି ଇମ୍ଫାସ୍ଥିତ ଚିକିତ୍ସା କେନ୍ଦ୍ରକୁ ଓ ପରେ ରାୟଗଡ଼ା ଜିଲ୍ଲା ମୁଖ୍ୟ ଚିିକିତ୍ସାଳୟରେ ଭର୍ତ୍ତି କରାଯାଇଛି।