ମାତ୍ର ଦୁଇ ସପ୍ତାହ ପାଇଁ ପତ୍ନୀଙ୍କୁ ଅନୁମତି। ଏକାଠି ସବୁ ଖେଳାଳି ବସରେ ହିଁ ଯିବେ।

ଲଗାତାର ଭାରତୀୟ କ୍ରିକେଟ୍ ଟିମର ପରାଜୟ ପରେ ଚେତିଲା ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)। ଦଳକୁ ପୂର୍ବ ସ୍ଥିତିକୁ ଫେରାଇ ଆଣିବା ଯୋଜନା କରୁଛି ବିସିସିଆଇ। ଏ ନେଇ ବିଭିନ୍ନ ଜାତୀୟ ଗଣମାଧ୍ୟମରେ ଚର୍ଚ୍ଚା ଜୋର ଧରିଛି।
ଏହି କଟକଣା ମୁତାବକ ଖେଳାଳି ମାନଙ୍କ ସହ ସେମାନଙ୍କ ପତ୍ନୀ ସବୁଦିନ ରହି ପାରିବେ ନାହିଁ। ପୂରା ୪୫ ଦିନିଆ ଟୁର୍ କାର୍ଯ୍ୟକ୍ରମରେ ମାତ୍ର ୧୪ ଦିନ ସେମାନଙ୍କ ସହ ପତ୍ନୀ ରହିପାରିବେ। ସେହିଭଳି ଟିମ ସ୍ପିରିଟ୍ ଅଭାବ ଯୋଗୁଁ ଖେଳରେ ଆଶାଜନକ ସଫଳତା ମିଳୁନାହିଁ ବୋଲି ବିସିସିଆଇ ଅନୁଭବ କରି ପ୍ରତ୍ୟେକ ଖେଳାଳି ଏକାଠି ବସରେ ଯିବା ଆସିବା କରିବେ।
ନିକଟରେ ଗଭସ୍କର ଟ୍ରଫି ଟେଷ୍ଟ ସିରିଜରେ ଭାରତ ୧-୩ ପଏଣ୍ଟରେ ପରାଜୟ ବରଣ କରିଛି। ଏହା ଥିଲା ଭାରତର ତୃତୀୟ ଟେଷ୍ଟ ପରାଜୟ। ଯାହାକୁ ନେଇ ବିସିସିଆଇ ଚିନ୍ତା ପ୍ରକଟ କରିଛି।