ମହାରାଷ୍ଟ୍ରର ଗୋହେ ବୁଡରୁକ ବାସିନ୍ଦା ରାମଚନ୍ଦ୍ର ପୋଟକୁଲେଙ୍କ ପରିବାର ସ୍ଥାନୀୟ ମିଠା ଦୋକାନରୁ ଲଡୁ କିଣିଥିଲେ। ଘରେ ପହଞ୍ଚି ପରିବାରଲୋକେ ମିଶି ଉକ୍ତ ଖାଉଥିବା ସମୟରେ ସେଥିରୁ  ମଣିଷର ଏକ କଟା ଆଙ୍ଗୁଳି ବାହାରିଥିଲା। ପ୍ରଥମେ ପରିବାର ଲୋକେ ଏହାକୁ ଦେଖି ବିଶ୍ୱାସ କରିପାରି ନ ଥିଲେ। କିନ୍ତୁ ଭଲ ଭାବରେ ନିରୀକ୍ଷଣ କରିବା ପରେ ଏହା ଏକ ମଣିଷର କଟା ଆଙ୍ଗୁଠି ବୋଲି ଜଣାପଡ଼ିଥିଲା।
ତଦନ୍ତରୁ ଜଣାପଡିଛି ଯେ ଏହି ଆଙ୍ଗୁଳି ଆକସ୍ମିକ ଭାବରେ ଲଡୁ ତିଆରି ପାଇଁ ଥିବା ବଟରରେ ମିଶିଯାଇଛି। ଲଡୁ ପ୍ରସ୍ତୁତ ପାଇଁ କାମ କରୁଥିବା ବେଳେ କୌଣସି ହୋଟେଲ କର୍ମଚାରୀଙ୍କ ଆଙ୍ଗୁଳି ବୋଧ ହୁଏ ମେସିନରେ କଟି ଯାଇଥିବ। ଯଦ୍ୱାରା ଆଙ୍ଗୁଳିଟି ଲଡୁ ତିଆରି ସାମଗ୍ରୀରେ ମିଶି ଯାଇଥିବା ଅନୁମାନ କରାଯାଉଛି।
ଏହି ଘଟଣା ପରେ, ରାମଚନ୍ଦ୍ର ପୋଟକୁଲେଙ୍କ ପରିବାରର କିଛି ସଦସ୍ୟ ବାନ୍ତି ଏବଂ ଝାଡ଼ାର ଶିକାର ହୋଇଥିଲେ। ତେଣୁ ତାଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି। ଚିକିତ୍ସା ପରେ ସମସ୍ତଙ୍କ ସ୍ୱାସ୍ଥ୍ୟାବସ୍ଥା ବିପଦମୁକ୍ତ ଥିବା ଜଣାପଡ଼ିଛି। ଏଭଳି ଘଟଣାକୁ ପ୍ରଶାସନଗମ୍ଭୀରତାକୁ ବିଚାର କରି ତଦନ୍ତ ଆରମ୍ଭ କରିଛି।