କିଛିଦିନ ଧରି ରାଜଧାନୀରେ ବଢୁଥିବା ଏଟିଏମ୍ ଲୁଟରେ ନିୟନ୍ତ୍ରଣ ଆଣିବା ପାଇଁ କମିଶନରେଟ ପୁଲିସ ପକ୍ଷରୁ ଏନକାଉଣ୍ଟର କରାଯାଇଛି। ଶନିବାର ବିଳମ୍ବିତ ରାତିରେ ଏନ କାଉଣ୍ଟରରେ ବିହାରୀ ଲୁଟେରା ଆହତ ହୋଇଛି। ତାକୁ ଚିକିତ୍ସା ନିମନ୍ତେ ମେଡ଼ିକାଲରେ ଭର୍ତ୍ତି କରାଯାଇଛି।

ଏନକାଉଣ୍ଟରରେ ଆହତ ଯୁବକ ହେଲା ଦୀପକ କୁମାର। ଦୀପକ ଜଣେ ଆନ୍ତଃରାଜ୍ୟ ଲୁଟେରା। ତା ନାଁରେ ବିଭିନ୍ନ ଥାନାରେ ଅନେକ ମାମଲା ରହିଛି। ସ୍ପେଶାଲ ସ୍କ୍ୱାଡ ମୁଖ୍ୟ ହିମାଂଶୁ ସ୍ବାଇଁଙ୍କ ନେତୃତ୍ୱରେ ଏହି ଏନକାଉଣ୍ଟର କରାଯାଇ ଥିବା ଜଣାପଡ଼ିଛି। ଦୀପକ କୁମାର ବିହାରରେ। କିନ୍ତୁ ସେ ଓଡିଶାର ବିଭିନ୍ନ ଏଟିଏମ୍ କୌନ୍ତରକୁ ଟାର୍ଗେଟ କରି ଲୁଟପାଟ କରୁଥିଲା। ବଡ଼ଗଡ଼ ଥାନା ଅଞ୍ଚଳରେ ଏଟିଏମ ଲୁଟ ଉଦ୍ୟମ ବେଳେ ପୁଲିସ ସହ ମୁହଁ ମୁହିଁ ହୋଇଥିଲା।ସେ ପ୍ରଥମେ ପୁଲିସ ଉପରେ ଗୁଳି ଚଳାଇଥିଲା ବେଳେ ପୁଲିସର ପାଲଟା ଗୁଳି ମାଡ଼ରେ ସେ ଆହତ ହୋଇଛି। ଆକ୍ରମଣରେ ପୁଲିସ ଗୁଳି ଦୀପକର ଗୋଡ଼ରେ ବାଜିଛି। ଆହତ ଅବସ୍ଥାରେ ଦୀପକକୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। ବଡଗଡ଼ ଅଞ୍ଚଳରେ ଏଟିଏମରେ ଅଠା ମାରି ଟଙ୍କା ଲୁଟି ନେଉଥିଲା ଅଭିଯୁକ୍ତ। ଯାହାର ସିସିଟିଭି ସ୍ପେଶାଲ ସ୍କ୍ବାଡ ହାତରେ ଲାଗିଥିଲା। ଭୁବନେଶ୍ୱର ଡିସିପି ଜଗମୋହନ ମିନାଙ୍କ ହାତରେ ପଡ଼ିଥିଲା। କାର୍ଯ୍ୟରେ ଯୋଗଦେବାର ମାତ୍ର ଦୁଇ ଦିନ ମଧ୍ୟରେ ଏଭଳି ଏନକାଉଣ୍ଟର ଅପରାଧୀଙ୍କ ମନରେ ଆତଙ୍କ ସୃଷ୍ଟି କରିଛି।