ମହାନ ପଦାର୍ଥବିତ୍ ଆଲବର୍ଟ ଆଇନଷ୍ଟାଇନଙ୍କର ପ୍ରିୟ ଡ୍ରାଇଭର ଥିଲା ହ୍ୟାରୀ । ଆଇନଷ୍ଟାଇନ ଯୁଆଡ଼େ ବି ଲେକ୍ଚର ଦେବାକୁ ଯାଉଥିଲେ, ହ୍ୟାରୀକୁ ସାଙ୍ଗରେ ନେଇ ଯାଉଥିଲେ । ଆଇନଷ୍ଟାଇନଙ୍କ ସହ ଯାଇଯାଇ ହ୍ୟାରୀ ମଧ୍ୟ “ଥିଓରି ଅଫ୍ ରିଲେଟିଭିଟି” ବିଷୟରେ ସବିଶେଷ ଜ୍ଞାନ ହାସଲ କରିସାରିଥିଲା ।

ଦିନେ ହ୍ୟାରୀ କହିଲା: ପ୍ରୋଫେସର ଆଇନଷ୍ଟାଇନ୍, ମୁଁ ତୁମଠୁ “ଥିଓରି ଅଫ୍ ରିଲେଟିଭିଟି” ଏତେଥର ଶୁଣି ସାରିଲିଣି ଯେ, ଯଦି ଆବଶ୍ୟକ ପଡ଼େ ମୁଁ ବି ନିର୍ଭୁଲ ଭାବରେ ଏହା ଉପରେ ଲେକ୍ଚର ଦେଇପାରିବି । କିଛିଦିନ ଗଲା । ଆଇନଷ୍ଟାଇନ୍ ବ୍ରାଉନ ୟୁନିଭର୍ସିଟିକୁ ଲେକଚର ଦେବାକୁ ଯାଉଥାନ୍ତି । ହ୍ୟାରୀ କାର ଚଳାଉଥାଏ । ଆଇଷ୍ଟାଇନ କହିଲେ: ହ୍ୟାରୀ, ମୁଁ ଆଜି ଟିକେ ଅସୁସ୍ଥତା ଅନୁଭବ କରୁଛି । ତୁମେ ମତେ ଗୋଟେ ଫେଭର କରିବ । ମୋ ପୋଷାକ ପିନ୍ଧି ତମେ ଲେକଚର ଦେଇଦବ । ହ୍ୟାରୀ ବି ହଁ ମାରିଦେଲା । ବ୍ରାଉନ ୟୁନିଭର୍ସିଟିକୁ ଆଗରୁ ଯାଇ ନଥିବା ହେତୁ ଆଇନଷ୍ଟାଇନଙ୍କୁ କେହି ଚିହ୍ନି ନଥାନ୍ତି । ତେଣୁ ହ୍ୟାରୀ ଆଇନଷ୍ଟାଇନଙ୍କ ଡ୍ରେସ ପିନ୍ଧି ଲେକଚର ଦେବାକୁ ଚାଲିଗଲେ । ଆଇନଷ୍ଟାଇନ କାରର ଡ୍ରାଇଭର ସିଟରେ ବସି ରହିଲେ । ଲେକଚର ସରିଲା । ହ୍ୟାରୀ ପୋଡ଼ିଅମ୍ ଛାଡ଼ିବାକୁ ଯାଉଥିଲେ । ଏତିକିବେଳେ ଦର୍ଶକଙ୍କ ମଧ୍ୟରୁ ଜଣେ ଉଠି ଏକ ଜଟିଳ ପ୍ରଶ୍ନ ପଚାରିଦେଲା । ଆଇନଷ୍ଟାଇନ ଭାବିଲେ, ଏବେ କାମ ଶେଷ । ହେଲେ ସେତିକିବେଳେ ହ୍ୟାରୀ ହସିଦେଇ କହିଲା: ଓଃ ଏଇ ପ୍ରଶ୍ନ । ଏଇଟା ଏତେ ସହଜ ଯେ ମୁଁ ତାହାର ଉତ୍ତର ଦେବାକୁ ଚାହୁଁନି । ମୁଁ ଏବେ ମୋ ଡ୍ରାଇଭରକୁ ଡାକୁଛି । ସେ ତାହାକୁ ସରଳ କରି ବୁଝେଇଦେବ ।

–ରାଜେନ୍ଦ୍ର

#Einstein

#scientist