ଖଣ୍ଡଗିରି ଯାତ୍ରାକୁ ଶୃଙ୍ଖଳିତ କରିବା ପାଇଁ ବିଏମସି ପକ୍ଷରୁ ସମସ୍ତ ବ୍ୟବସ୍ଥା ଗ୍ରହଣ କରାଯାଇଛି। ବିଶେଷକରି ପୂଜା ଓ ମେଳାକୁ କିଭଳି ଠିକ୍ ଭବେ ସମ୍ପାଦନ କରାଯିବ ସେ ନେଇ ବିଏମସି ପକ୍ଷରୁ ବ୍ୟାପକ ସ୍ବେଚ୍ଛାସେବୀ ନିଯୁକ୍ତି ଦିଆଯାଇଥିବା ବେଳେ ୮୦ ଟି ସିସିଟିଭି କ୍ୟାମେରା ଲଗା ଯାଇଛି। ଏ ନେଇ ଗଣମାଧ୍ୟମକୁ ସୂଚନା ଦେଇଛନ୍ତି ମେୟର ସୁଲୋଚନା ଦାସ ।

ସେହିଭଳି ଯାତ୍ରାକୁ ଶୃଙ୍ଖଳିତ ଭାବେ ସମ୍ପାଦନ କରିବା ପାଇଁ ସ୍ବତନ୍ତ୍ର ବ୍ୟବସ୍ଥା କରାଯିବା ସହ ଅଶ୍ଲିଳତା ବନ୍ଦ କରିବା ପାଇଁ ମଧ୍ୟ ଯାତ୍ରା ପାର୍ଟି ମାଲିକଙ୍କୁ ନିର୍ଦ୍ଦେଶ ଦେଇଛନ୍ତି ବିଏମସି କମିଶନର । ଯାତ୍ରା ପେଣ୍ଡାଲରେ ଅଶ୍ଳୀଳ ନୃତ୍ୟ ପରିବେଷଣ କରାଗଲା କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି କମିଶନର ।
ପ୍ରକାଶ ଥାଉ କି ବିଏମସି, ପୁଲିସ ଓ ଯାତ୍ରା କମିଟି ବୈଠକରେ ଅଶ୍ଳୀଳ ନୃତ୍ୟ ନ କରିବା ପାଇଁ ନିଷ୍ପତ୍ତି ନିଆଯାଇଥିଲା। ଏଥିପାଇଁ କମିତିକୁ ସ୍ବେଚ୍ଛାସେବୀ ନିଯୁକ୍ତି ପାଇଁ କୁହା ଯାଇଥିଲା । କିନ୍ତୁ ପରବର୍ତ୍ତୀ ସମୟରେ ଏଥିରେ କୋହଳ କରିବା ପାଇଁ ଯାତ୍ରା ମାଲିକମାନେ ପ୍ରଶାସନକୁ ନିବେଦନ କରିଥିଲେ । ଅପରପକ୍ଷେ ଖଣ୍ଡଗିରି ଯାତ୍ରା ମଞ୍ଚରେ ଅଶ୍ଳୀଳ ନୃତ୍ୟ ପରିବେଷଣ କରାଗଲେ ଠେଙ୍ଗା ମାଡ଼ ଚେତାବନୀ ଦେଇଥିଲେ ବିଧାୟକ ବାବୁ ସିଂ।