ବ୍ୟୋମକେଶଙ୍କ ସହ ସ୍ବର ମିଳାଇଲେ ବାବା ବଳିଆ। ପୁରୁଷ କମିଶନ୍ ଗଠନ ପାଇଁ ଦାବି କରି ଆସୁଥିଲେ ଆଡଭୋକେଟ ବ୍ୟୋମକେଶ ତ୍ରିପାଠୀ। ଏବେ ପୁରୁଷ କମିଶନ୍ ଗଠନ ପାଇଁ ଦାବି କରିଛନ୍ତି ବାବା ବଳିଆ। ଏଥିପାଇଁ ଆବଶ୍ୟକ ହେଲେ ସୁପ୍ରିମକୋର୍ଟ ଯିବେ ବାବା ବଳିଆ। ଏକ ସାମ୍ବାଦିକ ସମ୍ମିଳନୀରେ ବୃଦ୍ଧ ବାପା ମାଆଙ୍କ ପାଇଁ ସ୍ବତନ୍ତ୍ର କମିଶନ୍ ଗଠନ ପାଇଁ ମଧ୍ୟ ସେ ଦାବି କରିଛନ୍ତି। ଆସନ୍ତା ଦିନରେ ରବୀନ୍ଦ୍ର ମଣ୍ଡପରେ ହେବାକୁ ଥିବା ଏକ ସ୍ବତନ୍ତ୍ର ଆଧ୍ୟାତ୍ମିକ କାର୍ଯ୍ୟକ୍ରମ ଆୟୋଜନ ହେବାକୁ ଯାଉଛି। ଯେଉଁଠାରେ ଏ ନେଇ ପ୍ରସଙ୍ଗ ଉତ୍ଥାପନ କରିବେ ବୋଲି କହିଛନ୍ତି ବାବା ବଳିଆ। ଏଭଳି ଅଭିଯୋଗ ନେଇ ଅନେକ ଲୋକ ବାବାଙ୍କ ପାଖକୁ ନିୟମିତ ଆସୁଛନ୍ତି। ତେଣୁ ସେମାନଙ୍କୁ ନ୍ୟାୟ ଦେବା ପାଇଁ ପୁରୁଷ କମିଶନ୍ ଗଠନ ଦାବିରେ ବାବା ବଳିଆ ଆବଶ୍ୟକ ପଡିଲେ ସୁପ୍ରିମ କୋର୍ଟ ଯିବେ ବୋଲି କହିଛନ୍ତି। ବାବା ବଳିଆଙ୍କ ଏଭଳି ପ୍ରସ୍ତାବକୁ ସମର୍ଥନ କରିଛନ୍ତି ସମାଜସେବୀ ବ୍ୟୋମକେଶ ତ୍ରିପାଠୀ।
ପ୍ରକାଶ ଥାଉ କି ଦୀର୍ଘ ବର୍ଷ ଧରି ନିର୍ଯାତିତ ପୁରୁଷଙ୍କ ପାଇଁ ସ୍ୱର୍ ଉତ୍ତୋଳନ କରି ଆସୁଥିବା ଆଡଭୋକେଟ ବ୍ୟୋମକେଶ ତ୍ରିପାଠୀ ପ୍ରଥମେ ପୁରୁଷ କମିଶନ୍ ପାଇଁ ଦାବି କରିଥିଲେ।