ଘାଇଲା କରୁଥିଲା, କାବୁ ହେଲା
ତିଭୁବନେଶ୍ୱର, ୨୮/୧୨ (ଓଡ଼ିଶା ଜାଗରଣ): ବାଘୁଣୀ ଅଚେତ୍। ଗତ କିଛିଦିନ ଧରି ଶିମିଳିପାଳ ଜଙ୍ଗଲରେ ଛଡା ଯାଇଥିବା ବାଘୁଣୀ ଜିନତ ଓଡ଼ିଶା ସୀମା ପାର ହୋଇ ଝାଡ଼ଖଣ୍ଡ ଓ ପଶ୍ଚିମବଙ୍ଗ ପଳାଇ ଯାଇଥିଲା। ଯାହାକୁ ନେଇ ଚିନ୍ତାରେ ପଡ଼ି ଯାଇଥିଲା ତିନି ରାଜ୍ୟର ବନ ବିଭାଗ। ଜିନତକୁ କାବୁ କରିବା ତ ଦୂରର କଥା ତାକୁ ଠାବ କରିବା ମଧ୍ୟ ବନ ବିଭାଗ ପାଇଁ ବଡ଼ ଚାଲେଞ୍ଜ ହୋଇଥିଲା। ଏପରି ସ୍ଥଳେ ଉଭାଲ ଓଡ଼ିଶା ଓ ପଶ୍ଚିମବଙ୍ଗର ବନ ବିଭାଗ କର୍ମୀ ମାନେ ଲାଗି ପଡ଼ିଥିଲେ ତାକୁ କାବୁ କରିବା ପାଇଁ। ଶେଷରେ ରବିବାର ଜିନତକୁ କାବୁ କରିଛନ୍ତି ଉଭୟ ରାଜ୍ୟର ବନ କର୍ମଚାରୀମାନେ। ଏ ନେଇ ସୂଚନା ଦେଇଛନ୍ତି ପିସିସିଏଫ୍ ପ୍ରେମ କୁମାର ଝା। ସେ କହିଛନ୍ତି ଯେ ଜିନତ ପାଣି ପିଇବା ପାଇଁ ପୁରୁଲିଆର ଏକ ଡ଼ାମକୁ ଆସିଥିବା ବେଳେ ଟ୍ରାଙ୍କୁଲାଇଜ କରାଯାଇଛି। ଏବେ ଜିନତ ଅଚେତ୍ ଅଛି। ପ୍ରାୟ ୨୪ ଘଣ୍ଟା ପରେ ତାର ଚେତା ଫେରିବ। ପ୍ରକାଶ ଥାଉ କି ଶିମିଳିପାଳରେ ବାଘ ବଂଶ ବୃଦ୍ଧି ପାଇଁ ମହାରାଷ୍ଟ୍ରରୁ ଓଡ଼ିଶା ଅଣାଯାଇଥିଲା। ଜିନତକୁ କାବୁ କରିବା ପାଇଁ ବନ ବିଭାଗ ପକ୍ଷରୁ ସ୍ବତନ୍ତ୍ର ଟିମ୍ ଗଠନ କରାଯାଇଥିଲେ।