ଭୁବନେଶ୍ୱର, ୨୭/୧୨ (ଓଡ଼ିଶା ଜାଗରଣ): ଏଥର ନୂଆବର୍ଷ ପାଇଁ ମଦବିକ୍ରି କରିବାକୁ ଦିଆଯିବନି ଅସ୍ଥାୟୀ ଲାଇସେନ୍ସ। ଏନେଇ ଘୋଷଣା କରିଛନ୍ତି ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ। ସେ କହିଛନ୍ତି ଯେ, ପୂର୍ବରୁ ନୂଆବର୍ଷ ପାଇଁ ତଥା ଜିରୋ ନାଇଟ ସେଲିବ୍ରେଶନ ଆଳରେ ମଦ ବେପାରୀମାନେ ଅସ୍ଥାୟୀ ଲାଇସେନ୍ସ ନେଇ ମଦ ବିକ୍ରି କରୁଥିଲେ। ଯେଉଁଥିରେ କଟକଣା ଲଗାଇବାକୁ ଯାଇ ଏହି ପଦକ୍ଷେପ ନିଆଯାଇଛି। କେବଳ ନୂଆବର୍ଷର ପ୍ରଥମ ଦିନ ନୁହେଁ ପୂରା ମାସ ସାରା ଏହି କଟକଣା ଲଗାଯିବ। ସେ ଆହୁରି କହିଛନ୍ତି ଯେ ଜିରୋ ନାଇଟ ସେଲିବ୍ରେଶନ ଆଳରେ ଅନେକ ନିଶାସକ୍ତ ଅବସ୍ଥାରେ ଅପ୍ରୀତିକର ଘଟଣା ଘଟାଉଥିଲେ ଏଵଂ ନିଶାସକ୍ତ ଗାଡ଼ି ଡ଼୍ରାଇଭରଙ୍କ ଯୋଗୁଁ ଦୁର୍ଘଟଣା ଘଟିଥିଲା ଯେଉଁଥି ପାଇଁ ଏହି ପଦକ୍ଷେପ ନିଆଯାଇଛି। ଏଥି ସହିତ ମାସ ସାରା ସ୍ଵତନ୍ତ୍ର ସ୍କ୍ୱାଡ ଗଠନ କରାଯାଉ ବିଭିନ୍ନ ସ୍ଥାନରେ ଚୋରା ମଦ କାରବାର ରୋକିବାକୁ ପଦକ୍ଷେପମାନ ନିଆଯିବ। ମଦ ବିକ୍ରେତାଙ୍କ ବି କଠୋର କାର୍ଯ୍ୟାନୁଷ୍ଠାନ ନିଆଯିବ ବୋଲି ଆଇନ ମନ୍ତ୍ରୀ ଗଣାମଧ୍ୟାମକୁ ସୂଚନା ଦେଇଛନ୍ତି। ମନ୍ତ୍ରୀଙ୍କ ଏଭଳି ଘୋଷଣା ପରେ ସାଧାରଣ ମିଶ୍ର ପ୍ରତିକ୍ରିୟା ପ୍ରକାଶ ପାଇଛି। କେହି କେହି ସାଧାରଣ ଲୋକଙ୍କ ଉତ୍ସବ ପାଳନରେ ସରକାର ଅଧିକ କଟକଣା ଲଗାଉଛନ୍ତି ବୋଲି କହିଥିବା ବେଳେ କେତେକ ସାଧାରଣ ଲୋକେ ଏହା ରହି ରାଜ୍ୟ ସରକାରଙ୍କ ଏକ ସ୍ବାଗତଯୋଗ୍ୟ ପଦକ୍ଷେପ ବୋଲି କହିଛନ୍ତି। ମଦ ବ୍ୟବସାୟୀମାନେ ସରକାରଙ୍କ ଏଭଳି ପଦକ୍ଷେପକୁ ବିରୋଧ କରିଛନ୍ତି। ଏହା ରାଜସ୍ବକୁ ପ୍ରଭାବିତ କରିପାରେ ବୋଲି ଅନେକ ମତ ଦେଇଛନ୍ତି।