ଗ୍ରୀଷ୍ମପ୍ରବାହକୁ ଦୃଷ୍ଟିରେ ରଖି ଷ୍ଟାଣ୍ଡର୍ଡ ଅପରେସନ ପ୍ରୋସିଜିୟର ବା ଏସଓପି ଜାରି କରିଛନ୍ତି ରାଜ୍ୟ ସରକାର। ଉଚ୍ଚଶିକ୍ଷା ବିଭାଗ ଜାରି କରିଥିବା ଏସଓପି ସମ୍ପର୍କରେ ସମସ୍ତ ଡିଗ୍ରୀ କଲେଜ ଓ ବିଶ୍ବବିଦ୍ୟାଳୟକୁ ଅବଗତ କରାଯାଇଛି।
ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ଛାତ୍ରଛାତ୍ରୀଙ୍କ ପାଇଁ ଆନୁସଙ୍ଗିକ ବ୍ୟବସ୍ଥା କରିବାକୁ ଉଲ୍ଲେଖ ରହିଛି। ବିଶେଷକରି ପାଠପଢ଼ା ଓ ପରୀକ୍ଷାକୁ ସକାଳୁଆ କରିବା ସହ ଶିକ୍ଷାନୁଷ୍ଠାନ ପରିସରରେ ପାନୀୟ ଜଳ ଓ ଓଆରଏସ୍ ରଖିବା ପାଇଁ କୁହାଯାଇଛି। ସେହିଭଳି ଅପରାହ୍ନରେ କୋନସି ବାହ୍ୟ କାର୍ଯ୍ୟକ୍ରମ ନ କରିବା ପାଇଁ ଏସଓପି ଉଲ୍ଲେଖ କରାଯାଇଛି। ଶିକ୍ଷାନୁଷ୍ଠାନରେ ପ୍ରାଥମିକ ଚିକିତ୍ସା ବ୍ୟବସ୍ଥା କରିବା ପାଇଁ କୁହାଯାଇଛି ଏବଂ ଶିକ୍ଷାନୁଷ୍ଠନ ପରିସରରେ ଥିବା ନଳକୂଅ ଏବଂ ପମ୍ପଗୁଡିକ ମରାମତି କରିବା ପାଇଁ ଉଲ୍ଲେଖ ରହିଛି। ଏସବୁକୁ ଅନୁଧ୍ୟାନ କରିବା ପାଇଁ ଏନଫୋର୍ସ ମେଣ୍ଟ ଟିମ୍ ଗଠନ କରାଯାଇଛି।
ପ୍ରକାଶ ଥାଉ କି ଗତ କିଛିଦିନ ହେଲା ରାଜ୍ୟରେ ଅହେତୁକ ଗ୍ରୀଷ୍ମ ପ୍ରବାହ ଜାରି ରହିଛି। ପ୍ରମୁକ୍ କିଛି ସହର ତାପମାତ୍ରା ୩୭ ଡିଗ୍ରୀ ଛୁଇଁଥିବା ବେଳେ ଭୁବନେଶ୍ଵର ତାପମାତ୍ରା ୩୫ ଡିଗ୍ରୀ ଟପିଛି।