ଶୁକ୍ରବାର କେନ୍ଦ୍ରୀୟ ମିଆଁମାରରେ ୭.୭ ତୀବ୍ରତାର ଭୂମିକମ୍ପ ଫଳରେ ରାଜଧାନୀ ନେପିଡାରେ ରାସ୍ତାଘାଟ ଦୋହଲିଯାଇଛି ଏବଂ ଚୀନ୍, ଥାଇଲ୍ୟାଣ୍ଡ ଏବଂ ଭାରତର କିଛି ଅଂଶ ପର୍ଯ୍ୟନ୍ତ ମଧ୍ୟ ଭୂମିକମ୍ପ ଅନୁଭୂତ ହୋଇଛି। ଏପର୍ଯ୍ୟନ୍ତ ୧୪୪ ଜଣଙ୍କ ମୃତଦେହ ମିଳିଥିବା ବେଳେ ଅନେକ ନିଖୋଜ ଅଛନ୍ତି। ବଡ଼ବଡ଼ ବିଲଡିଂ ତଳେ ବହୁ ମୃତଦେହ ଏବେ ବି ରହିଥିବା ଅନୁମାନ କରାଯାଉଛି। ଉଦ୍ଧାର କାର୍ଯ୍ୟରେ ସାମରିକ କର୍ମଚାରୀଙ୍କ ସମେତ ସ୍ଥାନୀୟ ସୁରକ୍ଷା କର୍ମଚାରୀ ଲାଗିଛନ୍ତି।
ଭୂକମ୍ପର ତ୍ରିବ୍ରତା ଏତେ ଥିଲା ଯେ, ଫଳରେ ରାଜଧାନୀ ନେପିଡାରେ ରାସ୍ତାଘାଟ ଦୋହଲିଯାଇଥିଲା ଏବଂ ଚୀନ୍, ଥାଇଲ୍ୟାଣ୍ଡ ଓ ଭାରତର କିଛି ଅଂଶରେ ଭୂମିକମ୍ପ ଅନୁଭୂତ ହୋଇଥିଲା। ଥାଇଲ୍ୟାଣ୍ଡର ସୀମା ଆରପାରିରେ ଏକ ନିର୍ମାଣାଧୀନ ଆକାଶଚୁମ୍ବି କୋଠା ଭୁଶୁଡ଼ି ପଡ଼ିବାରୁ ୮ ଜଣଙ୍କର ମୃତ୍ୟୁ ହୋଇଥିବା ନିଶ୍ଚିତ କରାଯାଇଛି, ଆହୁରି ୭୦ ଜଣ ନିଖୋଜ ଅଛନ୍ତି। ନିର୍ମାଣାଧୀନ କୋଠାର ମୋଡ଼ା ଧାତୁ ଏବଂ ଭଗ୍ନାବଶେଷ ମଧ୍ୟରେ ଫସି ରହିଥିବା ବିଶ୍ୱାସ କରାଯାଉଛି।
ଚୁମ୍ବକରେ ଭୂକମ୍ପ
-ମିଆଁମାର ଭୂମିକମ୍ପର କେନ୍ଦ୍ରସ୍ଥଳ ସାଗାଇଙ୍ଗ ସହରରୁ ୧୬ କିଲୋମିଟର (୧୦ ମାଇଲ) ଉତ୍ତର-ପଶ୍ଚିମରେ, ସ୍ଥାନୀୟ ସମୟ ପ୍ରାୟ ୧୨:୫୦ (ସେଠାକାର ସମୟ)ରେ ୧୦ କିଲୋମିଟର ଗଭୀରରେ ଅବସ୍ଥିତ ଥିଲା।
– ସମଗ୍ର ଉତ୍ତର ଥାଇଲ୍ୟାଣ୍ଡ ଏବଂ ବ୍ୟାଙ୍କକ ପର୍ଯ୍ୟନ୍ତ ମଧ୍ୟ ଭୂମିକମ୍ପ ଅନୁଭୂତ ହୋଇଥିଲା, ଯେଉଁଠାରେ କୋଠାଗୁଡ଼ିକ ଥରି ଉଠିବା ସହିତ ବାସିନ୍ଦାମାନେ ରାସ୍ତାକୁ ପଳାଇ ଆସିଥିଲେ। ସୋସିଆଲ ମିଡିଆରେ ସେୟାର କରାଯାଇଥିବା ଭିଜୁଆଲ୍ ବ୍ୟାଙ୍କକର ଚାତୁଚାକ୍ ଜିଲ୍ଲାରେ ଏକ କୋଠା ଭୁଶୁଡ଼ି ପଡ଼ିଥିବା ଦେଖାଯାଇଥିଲା।