ଅନ୍ୟପଟେ ଏହି ପ୍ରସଙ୍ଗରେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା କିଛି ଅଲଗା ମତ ଦେଇ କହିଛନ୍ତି ଯେ, ବ୍ରହ୍ମପୁତ୍ର ନଦୀ ଏକ ବିଶାଳ ନଦୀ। ଏହା କେବଳ ତିବ୍ଦତ ନୁହେଁ ବରଂ ଭୂଟାନ, ଅରୁଣାଚଳ ଓ ଆସାମର ବର୍ଷା ପାଣିରେ ଭରିଯାଏ। ଯଦି ଚୀନ ପାଣି ଅଟକାଇଦିଏ ତେବେ ଏହା ଆସାମରେ ବାରମ୍ବାର ଆସୁଥିବା ବନ୍ୟାକୁ ରୋକି ପାରିବ। ଏହି ପ୍ରସଙ୍ଗରେ କେନ୍ଦ୍ର ସରକାର ଚୀନ ସହ ଆଲୋଚନା କରିବା ନିହାତି ଆବଶ୍ୟକ ବୋଲି ମଧ୍ୟ ସେ କହିଛନ୍ତି।

ତେବେ ଚୀନର ଏହି ଡ୍ୟାମ୍‌ ନିର୍ମାଣକୁ ନେଇ କୌଣସି ଔପଚାରିକ ବୟାନ ଦେଇନାହିଁ ଭାରତ। ହେଲେ ସରକାର କହିଛନ୍ତି କି, ଏଡି ଯୋଜନା ଉପରେ ତୀକ୍ଷ୍ଣ ନଜର ରଖାଯାଇଛି ଓ ଚୀନ ସହ ଏନେଇ ଆଲୋଚନା ହୋଇଛି। ଭାରତର ବିଦେଶ ମନ୍ତ୍ରଣାଳୟ କହିଛି କି, ଚୀନକୁ ଏଭଳି କାମରେ ପାରଦର୍ଶିତା ରଖିବା ଦରକାର ଓ ବାଂଲାଦେଶ ଭଳି ବ୍ରହ୍ମପୁତ୍ର ତଳ ଭାଗରେ ଥିବା ଦେଶମାନଙ୍କ ସହ ଚୀନ ଆଲୋଚନା କରିବା ଦରକାର।
ଏହି ପ୍ରସଙ୍ଗରେ ଚୀନ ନିଜ ମତ ଉପସ୍ଥାନ କରି କହିଛି ଯେ, ଏହି ପରିଯୋଜନା ଚୀନ ଭାରତ ଓ ବାଂଲାଦେଶ ସହ ବନ୍ୟା ନିୟ୍‌ନ୍ତ୍ରଣ ଓ ଜଳସ୍ତର ନେଇ ସହଯୋଗ ଜାରି ରହିବ। ଭାରତ ବି ଏଭଳି ସ୍ଥିତିରୁ ମୁକୁଳିବା ପାଇଁ କିଛି ରଣନୀତି ପ୍ରସ୍ତୁତ କରିଛି।

ଅରୁଣାଚଳ ପ୍ରଦେଶ ଦେଇ ପ୍ରବାହିତ ହେଉଥିବା ସିୟାଙ୍ଗ ନଦୀର ଉପରମୁଣ୍ଡରେ ସିୟାଙ୍ଗ ପରିଯୋଜନା ନାମରେ ଏକ ଡ୍ୟାମ୍‌ ନିର୍ମାଣ କରିବାକୁ ଯୋଜନା କରିଛି। ଏହି ଡ୍ୟାମ୍‌ କେବଳ ବିଜୁଳି ଉତ୍ପାଦନ କରିବ ନାହିଁ ବରଂ ଯଦି ଚୀନ ପାଣି ଛାଡିଦିଏ କିମ୍ବା ବନ୍ଦ କରିଦିଏ ତେବେ ଏହି ବନ୍ଧ ସୁରକ୍ଷା କବଚ ହୋଇପାରିବ।