ଆପଣ ଯେତେବେଳେ କିଛି ନୂଆ କାମ କରିବେ ବା ଉପରକୁ ଉଠିବେ ଅନେକ ଲୋକ ନିରୁତ୍ସାହିତ କରିବେ। କିନ୍ତୁ ସେ ସବୁକୁ ଖାତିର ନ କରି, କାହାରି କଥା ନ ଶୁଣି ଉପରକୁ ଉଠିବାକୁ ଚେଷ୍ଟା କରନ୍ତୁ।
ପଡିଆ ମଝିରେ ଖମ୍ବଟିଏ ଥିଲା। ତଳେ ହଜାର ହଜାର ମୂଷା ପ୍ରତିଯୋଗିତାରେ ଭାଗ ନେବା ପାଇଁ ଅପେକ୍ଷା କରିଥିଲେ। ଗୋଟିଏ ପରେ ଗୋଟିଏ ମୂଷା ଖମ୍ବ ଉପରକୁ ଚଢ଼ିବା ପାଇଁ ଚେଷ୍ଟା କରିଥିଲେ। କିନ୍ତୁ କିଛି ବାଟ ଛାଡ଼ିବା ପରେ ତଳେ ଥିବା ମୂଷାମାନେ ପଡ଼ିଯିବୁ, ପଡିଯିବୁ ବୋଲି କହି ଚିତ୍କାର କରି ଉଠୁଥିଲେ। ବିଚରା ଗୋଟିଏ ପରେ ଗୋଟିଏ ମୂଷା ଅଧାରୁ ଓହ୍ଲାଇ ଆସୁଥିଲେ।

ଶେଷରେ ଦେଖାଦେଲା ଗୋଟିଏ ମୂଷା ଖବର ଶୀର୍ଷ ଆଡ଼କୁ ଯାଉଛି। ତଳେ ଥିବା ମୂଷା ଦଳ ପୂର୍ବବତ୍ ପଡିଯିବୁ ପଡିଯିବୁ ବୋଲି କହି ପାଟି କରିଥାନ୍ତି। କିନ୍ତୁ ମୂଷାଟି ବିଚଳିତ ହୋଇ ଖମ୍ବ ଉପରକୁ ଚଢ଼ୁଥାଏ। ସେ ଯେତେ ଉପରକୁ ଚଢ଼ୁଥାଏ। ତଳୁ ଚିତ୍କାର ସେତେ ଜୋରରେ ଶୁଭୁଥାଏ। ହେଲେ ମୂଷାଟି ଶେଷରେ ଖମ୍ବ ଉପରକୁ ଚଢ଼ିଗଲା।

ମୂଷାଟି କିଭଳି ଚଢ଼ି ପାରିଲା ତାହା ଉପରେ ଗବେଷଣା ଆରମ୍ଭ ହେଲା। ଶେଷରେ ଯେଉଁ ନିର୍ଯାସ ବାହାରିଲା ତାହା ଯେତିକି ବିସ୍ମୟକର ଥିଲା ସେତିକି ପ୍ରେରଣାଦାୟକ ଥିଲା। ଚଢ଼ିଥିବା ମୂଷକୁ ଶୁଣା ଯାଉ ନ ଥିଲା। ଅର୍ଥାତ୍ ସେ କାଲା ଥିଲା। ସେ ଯଦି ଅନ୍ୟମାନଙ୍କ କଥା ଶୁନିପାରୁଥାନ୍ତା ତାହେଲେ ସେ ମଧ୍ୟ ଉପରକୁ ଚଢ଼ି ପାରି ନ ଥାନ୍ତା।
ଆଘାତ ଆମକୁ ମଜଭୁତ କରିଥାଏ କି