ପୋଡ଼ିଗଲା ୪ ଘର, ୪୦ କ୍ଵିଣ୍ଟାଲ ଧାନ
ବାଲେଶ୍ୱର, ୨/୧(ଓଡ଼ିଶା ଜାଗରଣ): କାଳ ହେଲା ମଶା ମାରିବା। ଗୁହାଳରେ ମଶା ମାରିବା ପାଇଁ ଧୂପ ଲାଗିଥିବା ବେଳେ ସେଥିରୁ ନିଆଁ ଲାଗି ୪୦ କ୍ଵିଣ୍ଟାଲ ଧାନ ସମେତ ୪ ବଖରା ଘର ପୋଡ଼ି ନଷ୍ଟ ହୋଇଯାଇଛି। ସୋର ବଂଗାଳପୁରା ଈଶାନରେ ଘଟିଛି ଏଭଳି ଘଟଣା। ରାତିରେ ପରିବାର ଲୋକେ ମଶା ମାରିବା ପାଇଁ ଧୂପ ଦେଇଥିଲେ। ହଠାତ୍ କିଛି ସମୟ ପରେ ଗୁହାଳ ଘର ଜଳୁଥିବା ଦେଖା ଦେଇଥିଲା। ଗ୍ରାମବାସୀ ପ୍ରଥମେ ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ। କିନ୍ତୁ ସମ୍ଭବ ହୋଇ ନଥିଲା। ଫଳରେ ଗାଁ ଲୋକେ ଅଗ୍ନିଶମ ବିଭାଗକୁ ଫୋନ୍ କରିଥିଲେ। ଦମକଳ ଗାଡ଼ି ଆସି ନିଆଁକୁ ଆୟତ୍ତ କରିଥିଲା। ମଶା ଧୁପରୁ ଅଗ୍ନିକାଣ୍ଡ ଘଟି ୪ ବଖରା ଘର ପୋଡ଼ି ନଷ୍ଟ ହୋଇଯାଇଥିବା ଅନୁମାନ କରାଯାଉଛି। ବାଡ଼ିରେ ରଖିଥିବା ୪୦ କ୍ଵିଣ୍ଟାଲ ଧାନ ମଧ୍ୟ ପୋଡ଼ି ନଷ୍ଟ ହୋଇଛି।